Po Ungriko Them pel 18-19. sheltosko boldyolindo ponto, le ginavinde kruji, jekhethanibeneske ginadyange khera, thaj kasinovoske ginadyange khera dine avri le manushenge le ginadya. Kado kade sas vi ande Enyinga. Zhi dujtona lyumako maripe kadal ginadyange khera funkcionalisarenas: Rajikane Kasinovoske Ginadyango Kher, Niposka krujake, Indrustrijareska Ginavindya krujake, Nagrikeska Ginavindya krujake Ginadyango Kher. Andel dujtona lyumako maripe nashkerajlas le Rajikane Kasinovoske Ginadyango Kher, ba le trine kavere ginadyange khera – majcerra ginadyanca udyan – majdur funkcionalisarenas zhi 1949. Le Nagrikeska ginavindya krujake thaj Indrustrijareska ginavindya krujake ginadya andre bilyade mashkar le Niposka Krujake Ginadyange khereske ginadya.
Le nyeve ginadyango kher numa unzhule delipe kerenas, thaj kade barardas, hoj le Niposke Ginadyange Kheresko Centrumo bishadas leske ginadya. Kathe gelas e butyi zhi 1953, pune kezdisardas le phiripeske ginadyange kheresko organizisaripe.
Le formalinde, maj shtartolinde ginadyango kher, sar but kavere ginadyange khera ando them, ando kulturno kher kezdisardas te funkcionalil. Kathar 1954 januari shon ande nyevo, pesko nirmaben funcionalisardas, o Vas Gereben bushonas ande idealisho krujalipe. Ande 1961 bersh Enyinga xasardas-tar pesko phiripesko centrumosko titulushi, ande kadi vrama naferi o gav, tena vi le ginadyango kher chi evolucijalisardas majdur, inke vi palpale evolucijalisaripe sas. Kathar 1963 bersh, septemberi shon le thanesko gimnaziumo puterdas peske kapuvura, savo ande 1964 bersh barareske thaj agrikulturnone mashinake lasharinde klassonca buxlyolas. Kathar le mashkarutni shkola pale fontosho kerdyilas le ginadyango kher, ke zurales trubusardas o evolucijalisaripe ande bari proporcija vash sityaripesko mangipe. Kathar le shovvardeshenge bershengo dujto dopash le ginadyango bararipe egalo sas, le ginavarengo mangipe krijasles barajlas, pe kado aba le ginadyange kheres sas thanesko abhav. Zurales trubulas le problemosko halkeripe: ando1974 bersh le ginadyango kher pe nyevo than gelas. Andal khera kerdas thanipe majbaro kerdyilas ba nas pre idealisho.
O 1975 bersh jekh bizhukardo pecipe das le ginadyange khereske thaj le gaveske manushenge:
o gimnaziumo legmajpalunes shaj iskirisaradine andre anglune klassoske sityimaske raklen thaj sityimaske raklyan, kade ande 1979 bersh agor sas le mashkarutne sityaripeske ande Enyinga.
Vi le oxtovardeshenge bersha andine bari alternacija andel ginadyange kheresko trajo: ande 1980 bersh le ginadyango kher pale pe nyevo than gelas, thaj chi akanak chi xutyildas nyevo kher, vi atunchi majmishto, majbare ashunipesa kerde o andruno than. Ande 1983-bersh bara proporcijake buxlyaripesa pe 270 m2 vazdyilas le lobhe fundosko than. Pe nyevo than gelas le shavorengo kotor. Udyan le phure kheres sas abhavipe, ba pasha lokhi evolucija bigindoskes funkcionalisardas le ginadyango kher zhi 1991 bersh. Kado bersh but fontosho alternacija andas.
-
Matyasoski plajica, – savi zhi akanak la Enyingako kotor sas – svathinto prabanthesko jekhipe kerdyilas, svathintone ginadyango kher kerdyilas.
-
Ande kado bersh pale laspe o gimnaziumo, chachipe si, hoj inek numa ande lilkerindyi forma.
-
Kezdisardas te funkcionalil vi le Khereska Zhuvlyaki Sityarindyi Specialishno Shkola;
-
Le ginadyango kher ande nyevo kher gelas, so chachikanes na ginadyange khereske getosardas.
Le nyeve ginadyango kher buxlyo kher sas ande idealisho krujalipe, la kulturako khere kerdyilas khamasle andrune thanenca, praktikushnone nirmaribeneske halkeripesa. Tela kadi vrama avri buxlyilas thaj opre nyevardo kulturnone kheresa kethane le gavesko legmajbajanamno, legmajmoderno intezmenyo sas. Ande 1992 bersh kado telepulesho foro kerdyilas.
Pel 1993 bershesko agor le forosko shefura, kodo phendine, hoj le ginadyango kher te zhas palpale pe pesko dulmutano than, kaj vi datunchara funckionalil.
La Enyingake ginadyango kher kethane cirdine le kuturnone kheresa ande 1993 bersh. Lesko anav sas o Vas Gereben Kulturno Kher thaj Ginadyango kher kerdyilas.
